За време на „TechWorld“ манифестацијата во Пекинг, „Lenovo“ претстави интересен и едноставен концепт на смартфон.
„Lenovo Smart Cast“ е концепт на смартфон кој има намера да ги донесе проекторите на „mainstream“ пазарите, затоа што станува збор за првиот светски ласерски проектор во паметен телефон, како и за најмалиот светски „pico“ проектор.
„Smart Сast“ доаѓа со единствен систем за ротирачки проектор (кој е сличен на „Lenovo Pocket Projector“), а овозможува проектирање на филмови, „TV“ емисии или видео игри на ѕид.
Проекторот исто така може да се користи и за проектирање на тастатура или други контроли на рамна површина, што овозможува користење на поголема тастатура, наместо да се потпрете на малата тастатура која се наоѓа на екранот на телефонот.
„Lenovo“ имплементираше и препознавање на движење, како што е кликнување или прелистување.
Засега, „Smart Cast“ не се наоѓа во потрошувачките уреди, но со оглед на претходните концепти на „Lenovo“, може со сигурност да се каже дека и овој ќе го видиме на некој од идните уреди.
