„Mitsubishi“ ја разгледува можноста за претставување на кросовер од „B“-сегментот кој ќе се натпреварува со „Nissan Juke“. Ова го објави „Auto Express“, повикувајќи се на шефот на британската филијала на јапонската марка, Ленс Бредли.
Новиот главен дизајнер на компанијата Цунехиро Кунимото кој претходно работел во „Nissan“ и дури учествувал во развојот на „Juke“, има намера идните сериски модели на брендот максимално да ги приближуваат до концептот „XR-PHEV II“ (на сликата), кој беше прикажан на авто-саемот во Женева, оваа пролет.
Новиот корпоративен дизајн на „Mitsubishi“ го носи името „Dynamic Shield“. Според Ленс Бразда, автомобилите на брендот може да станат далеку експресивни и храбри, без во исто време да изгледаат глупаво.
Што се однесува до техничкиот дел на идниот кросовер, засега во компанијата немаат донесено конечна одлука. Од една страна „Mitsubishi“ има целосен ресурс да создаде сличен модел, но во исто време малиот кросовер не е сигурен производ, затоа што не се знае дали ќе донесе приходи.
Затоа во компанијата размислуваат на опција за поделба на трошоците со друг сериозен производител, а главен кандидат за тоа е алијансата „Renault-Nissan“. До почетокот на годината двата производители соработуваа активно, но нивните заеднички проекти беа замрзнати.
