„Fiat“ во рамките на автосалонот во Истанбул официјално го претстави новиот седан „Aegea“, кој ќе го замени моделот „Linea“ во палетата на брендот.
Linea ја доби својата замена (фото+видео)
Моделот е развиен во италијанското студио на „Fiat“ и ќе се произведува во фабриката на „Tofas“ во Турција. Создавањето на возилото траело 3 години, а во проектот беа вклучени околу 2.000 лица.
Димензиите на „Fiat Aegea“ се должина од 4.500 мм, ширина – 1780 мм, висина – 1480 мм и растојание помеѓу двете оски – 2640 мм. Така седанот е со 96 мм пократок, со 50 мм поширок и со 14 мм повисок од „Linea“. Разликата во растојанието помеѓу двете оски е 37 мм во корист на новиот модел. Во кабината можат да се сместат 5 лица, а обемот на багажникот е 510 литри.
Спектарот на мотори на „Aegea“ вклучува два дизели од семејството „Multijet II“ и два бензински мотори, чија моќност е 95 и 120 КС. Менувачот е во две верзии, механички и автоматски. Детални информации за агрегатите засега не се откриваaт, но од „Fiat“ прецизираа дека просечната потрошувачка кај дизелите е под 4 л/100 км.
Седанот може да биде опремен со мултимедијален систем „Uconnect“ со 5-инчен екран чувствителен на допир, „Bluetooth“, гласовно управување, „AUX“ и „USB“, а исто така и со навигација „TomTom“.
Продажбата на заменикот на „Linea“ ќе стартува во ноември, а моделот ќе се нуди во Европа, Африка и Блискиот Исток. Во подоцнежна фаза „Fiat“ ќе лансира уште две модификации на „Aegea“ – комби и хечбек.