По околу пет години прекин, „LG“ повторно ќе нуди паметен телефон кој користи „Windows Phone“. Новиот модел се нарекува „Lancet“ и е дел од палетата на американскиот мобилен оператор „Verizon“.
Смартфонот според цената е насочен кон средната класа. Уредот располага со 4.5-инчен „IPS“ екран со резолуција од 854х480. Процесорот е 4-core Qualcomm Snapdragon 410, а засега оперативната меморија останува непозната. Вградената меморија е 8GB, но има и слот за „microSD“ картички.
„Lancet“ има „8MP“ камера на задната старана и „VGA“ камера на предната страна. Вградената батерија има капацитет од 2100mAh. Телефонот поддржува и „4G LTE“. Цената во „Verizon“ ќе е 120 долари, но се уште нема информации за меѓународното присуство на моделот.
Оперативниот систем е „Windows 8.1“ и доаѓа со последната надградба. На располагање е и гласовниот асистент „Cortana“. Освен тоа уредот користи и некои од функциите на „LG“, како „KnockOn“ за отклучување на екранот со допир, „Gesture Shot“ за преземање на слики со гест на раката и друго.
