Како што во последниот свој извештај наведува „Digitimes“, производителите на смартфони веќе се заинтересирани за процесорот со десет јадра на „MediaTek“- „Helio X20“.
Индустрискиот извор, кој го цитира оваа публикација, наведува дека производителите меѓу кои се „Sony“, „LG“, „HTC“, „Lenovo“, „Meizu“, „ZTE“, „Huawei“ и „Xiaomi“, се заинтересирани за вклучување на процесорот „MediaTek Helio X20“ во своите идни производи.
Понудата на „MediaTek“ ќе биде главно насочена кон ниската и средната класа на уреди, каде оваа компанија значително го зголеми пазарниот удел во последните неколку години.
Покрај серијата „Helio“ на мобилни процесори, „MediaTek“ сака да се пробие и на „high-end“ пазарот, а ние веќе пишувавме дека се очекува следната година да биде година на телефони кои ќе користат процесори со десет јадра.
