Медиумите открија дека „Ferrari“ за време на одржувањето на годинешниот саем за автомобили во Франкфурт ќе ја претстави „Spider“ верзијата на моделот „488 GTB“.
Тоа што засега е познато е дека моделот „488 GTS“ ќе го карактеризира 3.9L V8 twin-turbo мотор кој генерира 670ks излезна моќ и 760Nm вртежен момент.
Овие вредности се многу блиски до оние кои ја одликуваат купе верзијата, а за забрзување до 100km/h и се потребни 3 секунди, додека максималната брзина која може да ја развие изнесува 330km/h.
„Ferrari“ исто така го подготвува и моделот „488 GTB Scuderia“ кој ќе го одликува помала вкупна маса, подобрена моќност, агресивна каросерија, како и други хардверски подобрувања.
Засега не е познато кога „Ferrari“ ќе го претстави овој модел, но се претпоставува дека тоа ќе биде некаде пред 2017-та година.
