„Microsoft“ сака „Windows 10“ да е оперативниот систем кој ќе се најде на што е можно повеќе уреди кои ги опкружуваат луѓето. Софтверскиот гигант се надева „Windows 10“ да се користи од невидено голем број и разновидни уреди.
За таа цел, платформата ќе се нуди во вкупно седум верзии. Сите тие ќе се потпира на една унифициран продавница за апликации и слично корисничко искуство. Затоа „Windows 10“ ќе се нуди во вкупно седум верзии, соопшти „Microsoft“.
„Windows 10 Home“ ќе биде насочена кон обичните корисници и ќе може да се користи од страна на десктоп и лаптоп компјутерите, таблетите и хибридните уреди. Верзијата ќе располага со интеграција на гласовниот асистент „Cortana“, новиот прелистувач „Edge“ и поддршка на „Continuum“. На располагање се уште технологијата за препознавање на лицето „Windows Hello“ и друго. Ова ќе е и верзијата која ќе се користи од конзолата „Xbox One“.
Втората верзија е „Windows 10 Pro“. Таа е надградување на „Home“ со функции за мал бизнис. Меѓу нив е и „Windows Update for Business“ која автоматизира дел од одржувањето на софтверот и им олеснува на компаниите со ограничени „ИТ“ буџети.
„Windows 10 Mobile“ е третата верзија. Таа е насочена кон смартфоните и малите таблети. Ќе ги користи истите апликации како „Windows 10 Home“ кои во случајот се оптимизирани за мали екрани на допир. И трите верзии ќе бидат понудени како бесплатна надградба за уреди со оригинални „Windows 7“, „Windows 8.1“ и „Windows Phone 8.1“.
„Windows 10 Enterprise“ е надградена верзија на „Windows 10 Pro“, а е наменета за средни и големи бизниси. Таа располага со подобрени системи за безбедност и специјални дополнителни планови за долгорочно одржување.
„Windows 10 Mobile Enterprise“ е предвидена за уреди како банкомати, ПОС терминали, мали таблети и паметни телефони за професионални цели.
„Windows 10 IoT Core“ е сличен, но за уште помали уреди од интернет на нештата.
„Windows 10 Education“ е насочен кон образовните институции и учениците. Тој ќе биде достапен за училишта и академски институции, како и за ученици кои имаат уреди со „Windows 10 Home“ или „Pro“.
„Microsoft“ повторно не објави кога ќе почне продажбата на „Windows 10“. Компанијата само потврдува дека тоа ќе се случи налето оваа година во 190 држави. Од Редмонд дополнуваат дека првите надградби за оперативниот систем ќе бидат подготвени уште наесен.
