„Skype Translator“, преведвачот во реално време, веќе со месеци е во затворена „preview“ форма, a на корисникот му овозможува да ги надмине јазичните бариери и да овозможи поврзување со пријателите и семејството.
Услугата може да преведе англиски, италијански, шпански и мандарински во реално време, додека разговарате со друга личност на „Skype“ преку видео или гласовен повик. Од денеска, сите можат да го превземат „Skype Translator preview“ од „Windows Store“ зa „Windows 8.1“ уредите, или PC/табелтите кои имаат „Windows 10 preview“.
Со оглед дека повеќе не постои опција за креирање на профил за користење на сервисот, апликацијата автоматски може да се користи по превземање и инсталирање.
Покрај поддршката за споменатите четири јазици, „Skype Translator preview“ има поддршка и за 50 јазици за испраќање на инстант пораки. Корисниците можат да напишат текст на својот јазик, а личноста која ја прима пораката ќе може да ја погледне на својот јазик.
Крајната цел на „Skype Translator“ е да се овозможи на преку 300 милиони поврзани „Skype“ корисници природно да разговараат, дури и доколку не споделуваат заеднички јазик.
