Кога „KGI Securities“ ќе објави информации во врска со се уште ненајавените „Apple“ производи, „IT“ индустријата главно ги смета за многу сериозни. Безбедносната компанија има доста успеси и прилично е прецизна кога станува збор за информации кои се појавуваат на интернет во врска со „iPhone“.
Во најновиот извештај на оваа компанија се истакнува дека „iPhone 6s“ и „iPhone 6s Plus“ ќе имаат 2GB RAM, a „Apple“ најверојатно ќе го користи „LPDDR4 RAM“ кој ќе биде поврзан со процесорот „Apple A9“.
Според „KGI“, „iPhone 6s“ ќе има 4.7-инчен дисплеј, додека „iPhone 6s Plus“ ќе има екран од 5.5 инчи. Извештајот не ја споменува резолуцијата на екранот, но многумина очекуваат дека 4.7-инчниот модел да добие „Full HD“ дисплеј. Се наведува дека двата телефони ќе имаат камери од 12MP на задната страна.
Откако „Force Touch“ дебитираше на „Apple Watch“, „iPhone 6s“ и „iPhone 6s Plus“ ќе бидат следните уреди со оваа функција. Со цел да се спречи свиткување на телефоните, „Apple“ ќе користи „Series 7000 Aluminum“, кој е за 60 отсто посилен метал од оној кој моментално се користи за производството на „iPhone“.
На крај, „KGI Securities“ наведува дека масовното производство на „Apple iPhone 6s“ и „iPhone 6s Plus“ моделите ќе започне во август 2015-та година.
Од безбедносната компанија предвидуват дека „Apple“ ќе продава помеѓу 80 и 90 милиони единици од новите „iPhone“, пред крајот на 2015-та година.