Напорите на кинеските производители да се разликуваaт во светот на исклучително големата конкуренција, продолжува со полна сила.
Производителот „ZTE“ претстави нов модел – „Nubia Z9“ кој, благодарение на патентирана технологија, овозможува контрола на смартфон со притисок врз страничната рамка.
Смартфонот ќе се нуди заедно со верзиите – „Nubia Z9 mini“ и „Nubia Z9 Max“.
Тој е со 5.2-инчен екран со исклучително цврсто стакло, како и со резолуција од 1.080 пиксели. Екранот е опкружен со тенка „огледало“ рамка со дебелина 0,8 мм, која создава чувство на недостаток на граници. Во исто време рамката ќе се користи за управување на смартфонот.
Со поминување на раката околу телефонот, на пример, ќе снима „скриншот“, а лизгање на прстите по рамката ќе се прилагодува осветленоста. Два прста на рамката ќе ја активираат камерата. Друга карактеристика на смартфонот е неговото метално куќиште.
Тој ќе има процесор „Snapdragon 810“, како и 3 GB RAM меморија. Овој уред има две камери – задната е 16-мегапикселна со оптичка стабилизација, а предната е со 8 мегапиксели со сензор од „Sony“ и широко аголна оптика. Батеријата е со капацитет од 2900 mAh, а за работата се грижи интерфејсот „Nubia UI 3.0“. Верзијата „Exclusive“ вклучува и специјална технологија за препознавање на отпечатоци, која се потпира на сензори во копчињата за вклучување и за контрола на звукот.
Прелиминарните нарачки за трите модели почнаа во Кина по цени од 3499, 3999 и 4499 јуани (500, 570 и 640 евра).