Резултатите од првиот квартал во 2015-та година покажуваат дека на европскиот пазар се продадени 591.546 нови возила. Во споредба со истиот период од минатата година резултатот е зголемен за 3,3%, соопштува „focus2move“.
Најпопуларниот модел останува „Volkswagen Golf“, а во периодот јануари-март од него се продадени 161.916 единици. Тоа е за 15,5% повеќе од минатата година. На второ место е друг модел на „Volkswagen“ – „Polo“, чиј резултат е 93.429 примероци. Кај него сепак има пад од 1,4%.
Третата позиција е за „Ford Fiesta“ со продажба од 89.800 возила. За 1 година хечбекот ја зголеми својата популарност меѓу Европејците со 3,5%. Во првата десетка е уште еден модел на „Ford“. Тоа е „Focus“, кој го зазема 7-то место со 63.779 примероци. Сепак, кај овој модел е забележан пад од 10,4%.
Топ 10 на најпродаваните автомобили за периодот јануари-март 2015 година во Европа:
1. Volkswagen Golf – 161.916, + 15,5%
2. Volkswagen Polo – 93.429, -1,4%
3. Ford Fiesta – 89.800, + 3,5%
4. Renault Clio – 84.620, + 0,8%
5. Opel Corsa – 80.187, + 20,5%
6. Nissan Qashqai – 71.620, + 11,9%
7. Ford Focus – 63.779, -10,4%
8. Peugeot 208 – 60.356, -8,8%
9. Audi A3 – 53.959, + 5,2%
10. Opel Astra – 46.676, -2,0%
