„ВMW“ вчера ја претстави редизајнираната верзија на актуелниот „Serieѕ-3“. Баварскиот производител ја искористи оваа манифестација со цел да одбележи еден важен јубилеј, а тоа е четири децении од лансирањето на првата генерација на овој модел.
Во изминативе 40 години „Seriеѕ-3“ беше за „BMW“ истото што е „Golf“ зa „Volkswagen“ – најпопуларниот модел во гамата.
Во знак на одбележување на 40 години на овој модел, „BMW“ објави кратко видео посветено на сите љубители во моделот „Serieѕ-3“:
Првата генерација, „E21“, е претставена во 1975-та година како замена за тогашните модели 1500 и 2002 купе.
Oвој автомобил имал каросерија на спортска лимузина, а се произведуваше во верзија со две врати. На почетокот, најмоќната верзија „320“ имала мотор со 109 ks.
Веќе првата генерација на „Serieѕ-3“ се покажа како многу успешен модел, па така по шест години производство од погоните излезе милионитиот автомобил.
Наследникот се појави во 1982-ра година. Ова „BMW“ имаше посовремена и поелегантна линија. Во почетокот се изработуваше во верзија со две врати, за веќе во 1983-та да биде претставен модел со четири врати, а потоа и првиот кабриолет и караван од оваа серија.
Втората генерација е значајна и потоа што во рамките на неа за прв пат беше лансирана и „M“ верзија на една „тројка“, но и шестцилиндарски дизел мотор.
Моделот од третата генерација кој се појави во 1990-та година донесе нов, аеродинамичен дизајн и различна силуета, која се карактеризираше со закосена хауба и малку подигнат заден дел на автомобилот.
Четвртата генерација се појави во 1998-ма година.
Oвој автомобил имаше идеален распоред на масата по осовините во однос 50:50.
„BMW“ во 2005-та ја претстави петтата генерација на „Serieѕ-3“, со дополнително подобрени дизајнерски и технолошки решенија, благодарејќи на кои на авто-саемот во Њујорк ја доби наградата за Светски автомобил на годината.
Последната, шеста генерација на популарната „тројка“ беше прикажана за прв пат во јавноста во октомври 2011-та во Минхен.
Во почетокот на мај 2015-та пристигна и редизајнирана верзија со цел да се прослави овој јубилеј.
Кој модел од историјата на „BMW Serieѕ-3“ Вам најмногу ви се допаѓа?