„Mercedes“ го освежи својот најдолговечен теренски модел на пазарот, а покрај козметичките промени извршени се и подобрувања на погонските системи.
Со оглед на дизајнот на надворешноста не е најважна карактеристика поради која вљубениците на „off-road“ возење веќе повеќе од 35 години предност и даваат на „Mercedes G-Сlasѕ“, моделот за 2016-та, претрпе минимални стилски промени.
„Mercedes G350d“ и „G500“ добија редизајнирани браници и проширени калници во боја на каросеријата на возилото, превземена е од „AMG“ верзија. Покрај тоа, моделот „G350d“ стандардно е опремен со 18-инчни алуминиумски бандажи.
„Mercedes“ ја претстави и новата верзија на „G-Сlasѕ“ која ја има ознаката „AMG Edition 463“. Моделот е наменет за оние кои сакаат нивниот теренец да има спортски изглед, велат од германската компанија.
За ова возило е карактеристичен двобојниот ентериер – инструмент таблата и тапацирот, како и украсни детали кои „имитираат“ елементи од јаглеродни влакна.
Седиштата исто така се двобојни и се превслечени во кожа.
Долните делови од каросеријата се заштитени со плочи од нерѓосувачки челик, а вратите и страничните површини се алуминиумски лајсни во стилот на „AMG“.
„Mercedes G-Сlasѕ AMG Edition 463“ е опремен со алуминиумски бандажи од 21 инч.
Најважните промени на теренецот се скриени под хаубата.
Наместо досегашниот 5.5 литарски „V8“ мотор со 388 ks и 530 Nm, моделот „G500“ доби помоќен 4.0-литарски би-турбо „V8“ мотор кој „Mercedes“ неодамна го претстави на концептот „G500 4×4²“.
Овој мотор е во состојба да произведе 422 ks (310 kW) и 610 Nm максимален вртежен момент, кој е достапен помеѓу 2.250 и 4.750 o/min.
Од „Mercedes“ велат дека „G500“ сега забрзува од 0 дo 100 km/h за само 5,9 секунди.
Дизел верзијата, која според новата номенклатура ја има ознаката „G350d“, исто така доби дополнителна моќ.
Наместо 211 ks и 540 Nm, колку што имаше 3.0-литарскиот „V6“ дизел агрегат во претходниот модел, истиот мотор сега развива 245 ks (180 kW) и 600 Nm.
Дополнителните „коњи“ допринесоа „G350d“ од место до „стотка“ да стигне за 8.9 секунди.
И тоа не е се. „Mercedes“ ја засили дури и најмоќната, „AMG“ верзија. Освежениот „G 63“ испорачува 571 ks (420 kW), или 27 „коња“ повеќе од претходно, додека максималниот отпор остана ист (760 Nm).
Во врвот на понудата и натаму се наоѓа „G 65“, кој наместо претходните 612 ks сега развива 630 ks (463 kW), со максималниот вртежен момент кој достигна 1.000 Nm.
