„Jaguar“ наесен ќе го покаже компактниот кросовер „F-Pace“, но тој нема да биде крајот на амбициите на брендот. Британците подготвуваат и поголем теренец – „J-Pace“, пишува весникот „Automobilemag“.
Премиум „SUV“ моделот на „Jaguar“ ќе ја користи платформата на „Range Rover“, а ќе има димензии приближни на оние до „Range Rover Sport“. Освен со овие две машини новиот модел, кој треба да дебитира во 2019-та година, ќе им конкурира на пазарот на „Audi Q8“, „BMW X7“ и „Mercedes-Benz GLS“.
Идниот „Jaguar J-Pace“ ќе се нуди во стандардна варијанта, како и со продолжена. Моторите ќе бидат бензински и дизел „V6“ и „V8“, но ќе има и хибридна верзија со можност за полнење од електрична мрежа. Предвидено е и спортска модификација – „SVR“, која ќе биде развиена од делот „Special Vehicle Operations“ (SVO).
Од своја страна, шефот на „SVO“ – Џон Едвардс, ја потврдува појавата на нов суббренд. Тој ќе го носи името „SVX“, а ќе нуди екстремни автомобили наменети за патување по лош терен. Тие ќе се продаваат истовремено со спортските модели „SVR“ и со луксузните „SVAutobiography“, за кои исто така одговара „SVO“.
