Нов штрајк на возачите во германската државна железница „Deutsche Bahn“ (DB) се заканува да го блокира железничкиот транспорт во земјата во рамките на цели шест дена во оваа недела.
Синдикалната организација „GDL“, која е помалата од двата синдикати во компанијата, започнува штрајк денеска во 15 часот во областа на товарните возови во рок од траење од седум дена, соопшти организацијата во Франкфурт, цитирана од светските агенции.
Од вторник ќе започнат штрајк и кај патничките возови. Тие ќе почнат во два часот во текот на ноќта и ќе бидат прекинати во 9 часот наутро во недела. Засегнати се како регионалните возови, така и оние на долги растојанија, како и урбаната железница „S-Bahn“, кој е раководена од „Deutsche Bahn“ – во Минхен и областа на Рајна и Мајна.
Ако плановите се реализираат, тогаш овие 127 часа штрајк во патничкиот транспорт би биле најдолгиот штрајк во историјата на железничката компанијата. Сега објавениот протест е осмиот последователен во сегашниот конфликт меѓу вработените и концернот.
Машиновозачите инсистираат за зголемување на платите за 5% и намалување на работните часови од 39 на 37 часа неделно. Повеќе проблематично е барањето на синдикатот да преговара и од името на други службеници, кои традиционално се претставувани од конкурентниот поголем синдикат „Eisenbahn- und Verkehrsgewerkschaft“ (EVG).
Во четвртокот синдикатот го отфрли новиот предлог на „DB“, вклучувајќи 4,7-процентно зголемување на платите на две фази од 1-ви јули и еднократна исплата на 1.000 евра до 30-ти јуни.
Од „Deutsche Bahn“ изјавија уште на крајот на минатата година, дека предложиле 5% покачување на платите за наредните 30 месеци за возачите, но нема да го прифати предлогот за плаќањето на останатите вработени.
Во „GDL“ членуваат 19.000 од 196.000-те вработени на компанијата во Германија. Организацијата е постојано критикуван поради своите штрајкови, организирани во контекст на слабеење на економијата.
Во минатата година синдикатот веќе организираше четири штрајкови поради работните услови кои го парализираа железничкиот транспорт во многу области на Германија. Последниот, од ноември, беше најдолгиот штрајк во историјата на компанијата од нејзиното основање во 1994-та година. Тогаш загубите за компанијата беа проценети на над 100 милиони евра.
И во февруари од „GDL“ најавија штрајк, која требаше да трае до 180 часа. Тој сепак беше откажан откако имаше отстапки од страна на железничката компанија и преговорите беа обновени.
