Компанијата „Huawei“ во Италија официјално го претстави својот нов телефон наречен „G Play Mini“.
Нов паметен телефон на Huawei – G Play Mini
Тој веќе може да се купува по цена од 230 евра, а се очекува наскоро уредот да се најде и во останатите европски држави.
„Huawei G Play Mini“ ги има истите спецификации како и моделот „Honor 4C“ кој неодамна беше претставен во Кина, но има различен дизајн.
Тоа што треба веднаш да се истакне е дека телефонот го одликува 5-инчен „IPS“ екран со 720p резолуција, како и „Android Kitkat“ платформата.
Што се однесува до хардверот, овој смартфон има осумјадрен „HiSilicon Kirin 620“ процесор со такт од 1,2 GHz, 2 GB RAM и 8 GB интерна меморија, камера од 13 мегапиксели со „LED“ блиц на задната страна, камера од 5 мегапиксели на предната и батерија од 2550 mAh.