Жрепката во Нион, која се одржа денеска, одлучи во полуфиналето на најеминентното фудбалско натпреварување во светот, Лигата на шампионите, да ги спои Барселона и Баерн Минхен, односно Јувентус-Реал.
Реал во четвртфиналето го елиминираше градскиот ривал Атлетико, во еден двомеч во кој еден гол го реши победникот. Баерн, против Порто го загуби првиот меч со 3:1, но во реваншот пред своите навивачи Баварците го декласираа противникот со 6:1.
Барселона без проблеми се справи со ПСЖ во двата меча забележа победа (3:1, 2:0), додека Јувентус со 1:0 и 0:0 го мина Монако и по 12 години повторно избори полуфинале во ЛШ.
Првите полуфинални мечеви во Лигата на шампионите ќе се одиграат на 5-ти и 6-ти мај, а реваншите се на 12-ти и 13-ти мај. Финалето е на 6-ти јуни во Берлин.
Трофеи, Реал Мадрид: Куп/Лига на шампиони-10, Првенство-32, Домашен куп-19, Куп УЕФА/Лига Европа-2.
Трофеи, Барселона: Куп/Лига на шампиони-4, Првенство-22, Домашен куп-22, Куп УЕФА/Лига Европа-4, Куп на победници на купови-4.
Трофеи, Баерн Минхен: Куп/Лига на шампиони-5, Првенство-24, Домашен куп-17, Куп УЕФА/Лига Европа-1, Куп на победници на купови-1
Трофеи, Јувентус: Куп/Лига на шампиони-2, Првенство-28, Домашен куп-9, Куп УЕФА/Лига Европа-3, Куп на победници на купови-1.
