Шведската телекомуникациска компанија „Ericsson“ пријави пад на профитот од 14 проценти во првиот квартал од оваа година.
Компанијата пријави нето профит од 171 милион долари, а во истиот период минатата година профитот изнесувал 191 милион долари.
„Реструктуирањето на трошоците влијаеше на резултатите, како и падот на валутата и намалената продажба на мобилните апарати во Северна Америка“, соопштија од „Ericsson“.
Во соопштението се истакнува дека нето продажбата пораснала на речиси 60 милиони долари, што е придонес на зајакнувањето на доларот во однос на шведската круна, како и расотот во Кина, Индија, југоисточна Азија и на Блискиот Исток.
На берзата во Стокхолм акциите на „Ericsson“ се во пад од речиси осум проценти.