„McLaren“ во Шангај го презентираше вториот модел од т.н. „Sport Serieѕ“, и моментално е најслабиот автомобил во гамата – „540C Coupe“.
Кога почетната цена на некој модел изнесува 126.000 фунти (околу 175.000 евра) неможе да се говори дека станува збор за евтин автомобил.
Сепак, ако се знае дека досега најдостапниот модел на британскиот производител, „570S Coupe“, чини околу 200.000 евра, тогаш „540C“ без проблем го добива епитетот најевтиниот „McLaren“ на пазарот.
Во основа, станува збор за послаба верзија на „McLaren 570S“, a двата автомобили визуелно се скоро идентични. Се разликуваат по некои детали во надворешноста, на пример, по различните алуминиумски бандажи и различните задни дифузори.
„McLaren 540C“ има иста конструкција од јаглеродни влакна, како и постариот брат „570S“, a на купувачите на располагање ќе им бидат и специјално дизајнирани алуминиумски тркала со димензии од 19-инчи напред и 20-инчи позади.
Фотографии од ентериерот засега не се објавени, но од „McLaren“ велат дека седиштата, инструмент таблата и долните делови од тапацирот на вратите се стандарно направени од кожа.
Централната конзола, на која доминира седуминчниот „touchscreen“ дисплеј на мултимедијалниот систем, има „лебдечка“ конструкција, како кај „570S“.
Моторот исто така е превземен од „McLaren 570S Coupe“. За потребите на новиот модел, моќта на 3.8-литарскиот „V8 twin-turbo“ бензинец е намалена од 570 нa 540 „коња“ (397 kW), a максималниот вртежен момент е намален од 600 нa 540 Nm.
Максималната моќ се постигнува при 7.500 o/min, a најголемиот вртежен момент е достапен во распон од 3.500 дo 6.500 o/min.
„McLaren 540C“ до „стотка“ забрзува за импресивни 3.5 секунди, а до 200 на час стигнува за 10.5 секунди, пред да ги развие максималните 320 km/h.
За пренос на моќта е употребен седумстепен автоматски „SSG“ менувач, а автомобилот е стандардно опремен со „stop-start“ технологија.
Британскиот производител веќе ја отвори книгата за нарачки на „540C“, но првите испораки може да се очекуваат дури во почетокот на 2016-та година.
