Еден од најимпресивните концепти според изгледот претставен на саемот во Шангај, неспорно е „Chevrolet FNR“. Прототипот е развиен заеднички од „General Motors“ и кинеската „SAIC Motor“, а претставува електромобил со функција за автопилот.
„Chevrolet FNR“ доби капсуловидна каросерија, која повеќе личи на мал вселенски брод, а не на возило. Машината е опремена со ласерски светла во предниот дел и со систем за полнење без кабел, сместен во задниот дел на кабината.
Прототипот е управувано од електромотори кои се наоѓаат во центарот на четирите тркала. На покривот е поставен радар, кој благодарение на огромен број сензори обезбедува автономно управување на возило.
При вклучување на автопилотот предните седишта се свртени за 180 степени, на тој начин помагаат за удобна комуникација меѓу патниците. Истата шема беше користена и при концептот „Rinspeed XchangE“ врз основа на „Tesla Model S“. За да се вратат во нормална положба и автомобилот да помине на рачен режим, возачот користи систем за контрола со гестови.
Како и што се очекуваше, многу тешко дека сличен модел ќе се најде во сериско производство. Во „Chevrolet“, меѓутоа, сметаат дека некои од компонентите и технологиите од овој концепт можат да бидат вградени во идните модели на марката.
