Во услови на реструктуирање и неизвесна иднина за единицата на „Sony“ за производство на паметни телефони од компанијата претставија нова четврта серија на моделот од највисока класа „Xperia Z“.
Смартфонот ќе е со алуминиумско куќиште и 5.2-инчен екран со резолуција од 1920 x 1080 пиксели, како и неговиот претходник, и ќе е со оперативен систем „Android 5.0“. Процесорот е со осум јадра и 64-битен „Snapdragon 810“.
Овој паметен телефон прво ќе се појави на јапонскиот пазар во текот на летото, но не е познато дали и кога ќе дебитира на останатите пазари.
Новиот уред ќе е со дебелина од само 6,9 мм, а ќе тежи 144 грама. Тоа го прави за 0,4 милиметри потенок и за 8 грама полесен, во споредба со моделот „Z3“.
Батеријата на смартфонот ќе има капацитет од 2.930 mAh, а ќе издржи до 17 часа работа во 3G мрежи. Неговата меморија е 32 GB, а има и слот за проширување до 128 GB. Двете камери на смартфонот се многу моќни, 20,7-мегапикселна задна со оптичка стабилизација, како и 5.1-мегапикселна предна. Тој ќе се нуди во бела, црна и морско зелена боја.
