И покрај одличната продажба „Nestlé“ не успеа да оствари профит за првото тримесечје, објави „MarketWatch“. Швајцарскиот гигант ја продолжува битката со угнетените кориснички ставови во развиените пазари и променливите параметри на клиентите во Кина.
Компанијата објави 0,5% зголемување на продажбата во текот на првите три месеци од 2015-та година, што е пониско од очекуваното. Од „Nestlé“ изјави дека продажбата се зголемила до 20,92 милијарди швајцарски франци (21,86 милијарди долари) во трите месеци, заклучно со 31-ви март, наспроти 20,82 милијарди франци година порано. Аналитичарите прогнозираа компанијата да пријави приходи од 21,3 милијарди франци (+ 2,3%).
Компанијата која го прави инстант кафето „Nescafe“ и чоколадните десерти „KitKat“, соопшти 4,4% органски раст, што е под нејзина долгорочна цел од 5-6%.
Претходно во април швајцарската компанија соопшти дека ќе цели да се искористи од зголемувањето на грижите за здрав ефект од потрошувачката на газирани пијалоци, така што ќе обезбеди нови производи и зголемување на инвестициите во огромниот американски пазар. Компанијата сака да ја подобри профитабилноста на својот глобален бизнис со вода.
„Nestlé“ ќе пушти уште ароматизирани верзии на своите пенливи води, вклучувајќи нов вкус на зелено јаболко за „Perrier“ и вкус со цреша и лимон за „Poland Spring“, за да профитираат на зголемената потрошувачка внимателност кон слатките и газирани пијалаци. Многу од новите нејзините производи ќе се продаваат во тенки кутии со нов дизајн, насочени кон освежување на брендот.
Швајцарскиот прехранбен гигант ги удвојува напорите во САД, каде што ќе изгради седум нови производствени линии во оваа година и ќе инвестира до 200 милини долари.
