Германскиот производител на автомобили БМВ во вторник соопшти дека минатиот месец ја остварил најдобрата мартовска продажба во својата историја.
Во извештајот е наведено дека минатиот месец во светот се продадени речиси 196 илјади автомобили БМВ, што е за 5,1 отсто повеќе во однос на март минатата година, јавува АП.
Во првото тромесечје оваа година БМВ оствари поголема продажба од конкуренцијата од Ауди и Мерцедес.
Продажбата на БМВ достигна речиси 452.000 автомобили, Ауди продаде над 438.000, а Мерцедес речиси 430.000 возила.
