Според пишувањето на интернет страната „SamMobile“, „Samsung“ подготвува нов паметен телефон од серијата на уреди „Galaxy“.
Samsung Galaxy A8 пристигнува со 5,7-инчен екран и камера од 16 мегапиксели
„Samsung Galaxy A8“ (SM-A800F) по примерот на останатите уреди од серијата „A“ ќе има метално куќиште со дебелина од само 5,9 милиметри.
Тука е и 5,7-инчиниот екран со резолуција од 1920 x 1080 пиксели, 64-битниот „Qualcomm Snapdragon 615“ со четири „Cortex-A53 CPU“ јадра на такт од 1,7 GHz, четири дополнителни „Cortex-A53 CPU“ јадра на такт од 1 GHz, „Adreno 405 GPU“, 2 GB RAM, како и 16 GB слободен простор за чување на податоци.
Што се однесува до камерата, задната ќе има 16-мегапиксели, а предната сензор од 5-мегапиксели.
Батеријата на уредот ќе има капацитет од 3050 mAh, a оперативниот систем е „Android 5.0.1“ во комбинација со „TouchWiz“ корисничкиот интерфејс. Постои и можност за поврзување со „4G LTE“ мрежата.
Засега се уште не е познато на кои пазари ќе се појави овој телефон, ниту по која цена.