Компанијата „Aston Martin“ работи на создавање на луксузен електричен автомобил, во чија основа ќе биде сегашниот модел на брендот „Rapide S“. Ова го соопшти потпретседателот на британскиот производител Енди Палмер пред „AutoExpress“.
Според зборовите на топ-менаџерот, проектот се наоѓа само во план, а прва цел е создавање на прототип. Откако тој ќе биде направен, инженерите на компанијата ќе можат да проценат како да бидат распоредени и комбинирани потребните компоненти.
Сегашната верзија на „Rapide S“ (на фотографијата) е опремена со „V12“ мотор кој развива моќност од 552 КС. Електричната модификација ќе добие два електромотори – по еден на секоја оска, а нивната заедничка моќ ќе биде 1.000 КС. Само со едно полнење електромобилот ќе може да помине околу 350 километри.
Енди Палмер ја посочи и за цената по која ќе се нуди новиот модел на „Aston Martin“. Таа ќе биде околу 300.000 долари.
