Автомобилската компанија „Mercedes“ и производителот на велосипеди „Rotwild“ претставија „Mountainbike“ во стилот на суперавтомобилот „AMG GT“.
Велосипедот го носи името „Rotwild GT S“ и се одликува со лесна рамка, решена во комбинација на жолта боја и карбон акценти. Голем број од компонентите, меѓу кои основата на рачките, педалите, се изработени од карбон.
„Rotwild GT S“ може да се пофали исто така со гуми „Continental Race King“ со големина од 29 инчи, диск кочници „Formula AMG R1 Racing FCS“ и менувач кој овозможува неколку брзини да се одбираат последователно.
„Натпреварувачки дух, непогрешлив дизајн и германскиот инженеринг се алките меѓу „AMG“ и „Rotwild“. Нашата заедничка страст за производи со високи перформанси ќе продолжи да го инспирира партнерството и во иднина“, вели Тобиас Моерс, извршен директор на „Mercedes-AMG“.
Од официјалните информации не станува јасно колку точно тежи велосипедот. Наводно, сепак, тој ќе биде изработен во кратка серија од само 100 примероци. Цената на секој од нив е 9.999 евра.
