Вредноста на странските директни инвестиции во Црна Гора во последните осум години достигнала 5,5 милијарди евра, со што оваа држава е лидер во регионот.
Овој податок го изнесе директорот на црногорската Агенција за промоција на инвестициите, Милош Јовановиќ за подгоричкиот весник Побједа.
„Деновиве очекуваме влез на три компании од Катар, Јордан и САД. Станува збор за компании од дејностите туризам, нафта и информациски технологии, кои имаат милионски профити и им одговара нашата ниска даночна стапка на добивка од девет отсто“, изјави Јовановиќ.
Според податоците на Монстат, државен завод за статистика, странските инвестиции во 2012 година изнесувале 436,5 милиони, а во 2013 година 485,3 милиони.
