Според засега непотврдени информации, „Samsung“ ќе започне со производствто на „A9“ чиповите за следниот „iPhone“ во фабриката воГихеунг – Јужна Кореја.
Дополнителни нарачки ќе превземе неговата партнерска компанија „Globalfoundries“, тврди неименува извор близок до „Samsung“.
Добивањето на овој договор ќе биде од корист за вториот најголем производител на процесори во трката со корпорацијата „Тaiwan Semiconductor Manufacturing“, која претходно му ги „украде“ клиентите и стави крај на монополот на јужнокорејската компанија за договорите за производство на чипови за уредите „iPhone“ и „iPad“.
Покрај тоа, нарачките на „Apple“ може да доведат до проширување на работите во „Samsung“, вели Сонг Мијунг Суп, аналитичар од Сеул.
„Ако „Globalfoundries“ бргу ги усвои најнапредните технолгии на „Samsung“ и ги зголеми приходите, може да ги придобие и „Qualcomm“, смета тој.
Кели Јео, претставник на „Samsung“ за односни со јавноста, одби да ги коментира овие информации, како и претставниците на „Globalfoundries“, „Apple“ и „TSMC“.
„Apple“ ја одбра тајванската компанија за производство на „А8“ процесорите за „iPhone 6“ и „iPhone 6 Plus“, поради тоа што им беа заладени односите со „Samsung“ поради судските спорови поврзани со патентите.
Минатата година, компанијата од Купертино потроши 25.8 милијарди долари за процесори, што значи дека овој договор на „Samsung“ може да му донесе „инјекција“ приходи, кои се неопходни по загубата од 914 милиони долари во минатата година.
Дали „Samsung“ ќе може да има екслузивно право за производство на процесорите ќе зависи од тоа колку „TSMC“ може брзо да ги воведе промените во производството и цените.
За „Apple“ е во интерес да ангажира само еден производител, затоа што така штеди на трошоци за дизајн на процесорите, а се намалува и можноста истата технологија да се појави на некое друго место.
„Samsung“ случи партнерство со „Globalfoundries“ минатата година за производство на чипови по нарачка, па со заеднички сили да го надминат моќниот „TSMC“.
