Само што беше претставен на Женевскиот автосаем, новиот модел на Ферари, „LaFerrari“, стана желба на повеќе од 1.000 потенцијални купувачи. Четири дена по успешното лансирање на својот суперавтомобил од Ферари објавија дека примиле нарачки за над илјада примероци.
Со оглед дека италијанскиот производител на промоцијата најави дека планира да произведе само 499 примероци од „LaFerrari“, па така се чини дека повеќе од половина од побарувачите ќе останат со куси ракави.
Освен ако Ферари не ја повлече претходната одлука и да го дуплира производството на овој автомобил чија цена засега ќе изнесува 1.3 милиони евра.
Италијанскиот производител на премиерата откри дека голем дел од планираното производство им е однапред распродадено, така што не е јасно дали во овие 1000 заинтересирани спаѓаат и оние кои однапред имаат платено.
„LaFerrari“, беше откриен во вторникот на 5 март во Женева, е опремен со хибриден мотор 6.3-литарски V12 мотор и електричен мотор со вкупна моќност од 963 КС.
Автомобилот до 100 км/ч доаѓа за помалку од 3 секунди, а пак брзината од 300км/ч ја постигнува за 15 секунди. Максималната брзина на овој автомобил е 350 км/ч.