„Kia“ ја откри новата генерација на седанот „Optima“ за време на стартот на меѓународниот саем во Њујорк. Моделот е создаден во стилот на европското студио за дизајн на марката.
Автомобилот доби уникатни главни светла кои се спојуваат со решетката на ладилникот. Топ верзиите на моделот ќе се нудат со решетка со релјефни клетки, кои се врежани во посебен метод. Во зависност од опремата седанот ќе се нуди со 16, 17 или 18-инчни тркала. Со доплата задните светла можат да бидат целосно „LED“.
Моделот ја задржува должината, но растојанието помеѓу двете оски е зголемено за 10 мм – до 2805 мм, благодарение на што Ентериерот стана повеќе простран. Широчината на возилото исто така е зголемена за 25 мм и веќе достигна 1860 мм.
Значително подобрена е звучната изолација, а тоа се случува со помош на новата конструкција на возилото, која е за 15% подобра. Подесена е и суспензијата, а користењето на јаглеродни влакна во панорамскиот покрив овозможува да се намали тежината на возилото и да се намали висината на неговиот центар на гравитација.
Во САД „Kia Optima“ ќе се нуди со 1.6-литарски бензински турбомотор кој развива 178 КС, како и со 2.4-литарски бензински атмосферски мотор „GDI“ со 185 КС. Ќе има и верзија со 2,0-литарски турбомотор со 247 КС, а сите агрегати се надградени соодветно со што значително се поекономични.
Од „Kia“ се категорични дека опремата ја наметнува „Optima“ како автомобил од топ класа. Квалитетот на материјалите е на високо ниво, а ентериерот е значително ревидиран. Проширена е средишната конзола, но истовремено е намален бројот на копчиња и прекинувачи.
Во достапните опции за моделот се вклучени системпт за кружен преглед „Around View Monitor“ со функција за откривање на пешаци, автономен систем за итно сопирање, систем за контрола на мртвите зони и друго.
Освен тоа седанот ќе се нуди со индивидуализирани ксенон фарови со функција за динамично осветлување на кривини и автоматско префрлување од долго на средно светло.
Детали за европската верзија на моделот ќе бидат објавени подоцна во оваа година.
