Новата верзија на „WhatsApp“ за „Android“ сега поддржува и гласовни повици. Функцијата е достапна бесплатно.
Новата верзија на апликацијата доаѓа и со редизајниран интерфејс. Функцијата за гласовни повици е одвоена во сопствен таб, им овозможува на корисниците да ги организираат и да ги проверуваат извршените и пропуштените повици.
Од компанијата дополнуваат дека за неколку недели услугата ќе се нуди и за „iOS“. Од „WhatsApp“ не прециризара кога точно ќе се појави услугата на овој оперативен систем.
Апликацијата има над 700 милиони активни корисници, објави Марк Цукерберг за време на конференцијата „F8“. Минатата година „Facebook“ го купи „WhatsApp“ за речиси 22 милијарди долари. Засега социјалната мрежа го исполнува ветувањето дека ќе остави „WhatsApp“ да се развива самостојно и нема да се менува моделот на апликацијата. Таа е бесплатна за првата година, по што мора да се плати по еден долар годишно.
