Новата „Renault Laguna“ ќе дебитира на 6-ти јули, а покрај тоа дека ќе биде наследник на последната генерација на моделот, таа ќе го замени и седанот „Latitude“. Ова го тврди изданието „Auto Express“, така што објавува, како шпионски фотографии на автомобилот, така и свое видување за тоа како ќе изгледа тој.
Од шпионските фотографии се гледа дека машината е речиси завршена. Според информациите идната „Laguna“ ќе потсетува донекаде на моделите на „Aston Martin“, а ќе се нуди само во две варијанти – лифтбек и караван. Од палетата сигурно ќе отпадне верзијата „купе“.
Моделот ја користи платформата „CMF“ на „Renault“ со предна суспензија „McPherson“. Шасијата ќе располага со електронски прилагодливи амортизери. Меѓу моторите ќе бидат на располагање 1,6-литарски би-турбо дизел со 160 КС, како и бензински 1,6-литарски турбо-мотор со очекувана моќност меѓу 160 и 200 КС. Алтернатива на 6-брзински мануелен менувач ќе биде вариаторна трансмисија.
Премиерата на „Laguna“ ќе се одржи на авто-саемот во Франкфурт наесен, каде што ќе го видиме само лифтбекот. Подоцна ќе се појави и караванот, а двете верзии ќе се произведуваат во фабриката во Дуе. Во неа беа инвестирани 420 милиони евра за модернизација, а таму се произведуваат и новите „Espace“ и „Scenic“.
