Најновиот смартфон на канадскиот производител на паметни телефони „BlackBerry“ се издвојува од останатите на пазарот со тоа што е дизајн на „Porsche“, но и со цената која е околу 2.000 долари.
Што ќе добијат корисниците за сума од 2.000 долари, освен не особено најпопуларниот оперативен систем на компанијата и карактеристичниот знак на смартфонот кој го прави препознатлив?
Моделот „BlackBerry P 9983“ е покриен рачно со кожа и е со копчиња „слични на стакло“. Цената му е 1.950 долари. Тој се одликува со 3,1-инчен дисплеј, што е релативно мал во современиот свет и далеку под 4.5-те инчи на моделот на компанијата „Passport“ (кој, покрај сето друго, е повеќе од три пати поевтин).
Внатрешната меморија е 64 GB, а оперативната – 2 гигабајти, или за 50% помалку во споредба со онаа на моделот „Passport“. Особено разочарувачка кај смартфонот е неговата батерија. За да се вклопат во дизајнот на уредот, таа е за 64% помала од онаа на модел „Passport“.
Се разбира, за слична цена купувачите на уредот очигледно нема да потенцираат толку на техничките карактеристики, туку на препознатливоста на моделот. Ова е трет заеднички уред на „BlackBerry“ и „Porsche Design“, а и претходните два модела беа со слична цена.