Заради манипулации на девизниот пазар четири од најголемите банки ќе бидат казнети по 1 милијарда долари.
Министерството за правда на САД има намера да се наметнат „солените“ казни на американските „Citigroup“ и „JPMorgan“, но и на британските „Barclays“ и „Royal Bank of Scotland“. Швајцарската банка „UBS“ доби имунитет во оваа истрагата, бидејќи токму таа ги дала информации за девизните прекршоци.
Во тек се разговори за намалување на големината на казните, но и донесување на одлука за да не се изгуби лиценцата за девизното работење.
Минатата година со 4.3 милијарди долари беа казнети американските „JPMorgan Chase“ и „Вank of America“, како и британската банка „HSBC“. Казните беа наметнати поради обезбедување на лажни информации на инвеститорите при купувањето на ризични хипотекарни вредности во пресрет на кризата во 2008-ма година. Тогаш хипотекарниот пазар во САД се распадна и заведените инвеститори загубија милијарди долари.
