Најголемата кинеска онлајн компанија „Аlibaba Group Holding Ltd.“ има инвестирано 200 милиони долари во мобилната апликација „Snapchat Inc.“.
Популарна апликација им овозможува на корисниците да праќаат слики и видео записи кои исчезнуваат по одреден временски период. Таа доби исклучителна популарност во последните две години.
Врз основа на инвестицијата, апликацијата се проценува на 15 милијарди долари. Во изминатата година „Snapchat“ доби 486 милиони долари при пазарна оценка од 10 милијарди долари. Има две апликации, чија пазарна капитализација ја поминува границата од 10 милијарди долари – „Uber“ и „Airbnb“.
Апликацијата „Uber“ се проценува на околу 40 милијарди долари и е втората најскапа приватна компанија по „Xiaomi“, проценета на 45 милијарди долари.
Инвестициите во приватни компании во изминатата година достигнаа 86 милијарди долари, благодарение на зголемувањето на капиталот на „Uber“ и „Xiaomi“.
Некои од првичните инвеститори во компанијата ги вклучуваат имиња како „Benchmark“, „Lightspeed Venture Partners“ и „Kleiner Perkins Caufield & Byers“.
