Падна во вторникот навечер последната клапа од снимањето на краткиот игран филм „Роденден“, во режија и по сценарио на Косара Митиќ, кое се одвиваше на повеќе локации низ Скопје.
Филмот „Родендент“, работен за продуцентската куќа „Сектор филм“, претставува сторија за група тинејџери кои на еден бизарен начин го прославуваат полнолетството на нивниот другар, нудејќи му предлог кој нема да може да го одбие.
Актерската екипа ја сочинуваат Никола Колев, Дениз Абдула, Александар Михајловски, Силвија Стојановска, Милица Стојанова, Ана Костовска, Сара Климовска и Емил Костовски.
„Роденден” е во режија на Косара Митиќ, директор на фотографија е Дејан Димески, сценограф Кирил Спасески, костимограф Емилија И. Атанасовска, додека за шминката се грижеше Симона Ристевска.
Овој проект финансиски е поддржан од Агенцијата за Филм на Република Македонија.