Германската канцеларка Ангела Меркел го посети во понеделникот токискиот музеј на нови науки и иновации и се запозна со човеколикиот робот Асимо.
„Добро утро, госпоѓа канцеларка. Добредојдовте. Благодарејќи на новите технологии коишто ги развива човекот, јас можам да направам разни работи“, се претставил Асимо пред една од најмоќните жени во светот. Потоа Асимо рекол дека слушнал оти Меркел многу го сака фудбалот и решил да ѝ покаже како тој може прецизно да ја шутне фудбалската топка.
Канцеларката на заминување од музејот ја испружила раката сакајќи да се ракува со роботот, меѓутоа Асимо не реагирал. Очигледно подобро е програмиран да шутира пенали отколку за западните гестови на љубезност, забележуваат медиумите.
Асимо е гордоста на јапонската роботика. Го разви тамошната компанија „Honda“, а развојот на јапонската технологија веќе беше промовираа на турнеи во странство и, меѓу другите, беше претставен на специјални настани во Дубаи, Њујорк и Прага.
Асимо е висок 130 сантиметри и тежок 54 килограми. Минатата 2014 година во истиот музеј „се сретна“ со американскиот претседател Барак Обама, а и нему му покажа колку е вешт со топка.
Во споменатиот токиски музеј може да се видат роботи коишто, на пример, во хотелски лобија, во болници и други јавни установи. Има и т.н. роботи кои личат на животни кои ги заменуваат домашните галеници за старите лица во пензионерските домови.