Министерството за финансии во среда, по основ на доспеани за враќање државни хартии од вредност, врати вкупна сума од 2,8 милијарди денари.
Во вторник Министерството на аукција продаде државни записи во вредност од 1,28 милијарди денари. Со ова Министерството за финансии ја намалува задолженоста по основ на државни записи за 25 милиони евра, но што е уште побитно, пушти 25 милиони евра свежи средства во стопанството за подобрување на ликвидноста – пари кои банките ќе можат да ги пласираат како кредити на фирмите.
„Министерството за финансии континуирано се држи до политиката на подобрување на ликвидноста на стопанството, во насока на негова поддршка и негување на партнерскиот однос со бизнис заедницата“, се вели во соопштението.
