Компанијата „Silent Circle“ го претстави наследникот на „Blackphone“, паметниот телефон познат по фактот дека нуди специјализирана модификација на„Android OS“, која обезбедува поголема безбедност и приватност во однос на вообичаените мобилни уреди на пазарот. „Blackphone 2“ oчекувано има подобри спецификации и подобар и уште побезбеден софтвер.
Што се однесува до хардверот, познато е дека новиот уред е има 5-инчен „Full HD“ екран со „Gorilla Glass 3“ заштита, осум јадрен процесор на „Qualcomm“ и 64-битен „SoC“, 3 GB RAM, порта за „microSD“ картичка, како и батерија која неможе да се менува од 3600 mAh, која има поддршка за брзо полнење преку „Qualcomm Quick Charge 2.0“ технологијата. Тука е и поддршката за поврзување на 4G LTE мрежата.
Најважниот дел од овој телефон е неговиот оперативен систем, модифицирана верзија на „Android“ наречена „PrivatOS 1.1“. Како дел од системот, „Spaces UI“ овозможува разделување на поединечни апликации или документи во посебни виртуелни средини, која секоја за себе има посебна шифрирана целина. Така на пример, можно е на едноставен начин една средина да се употребува за бизнис цели (деловна комуникација и документи),а друга за приватни работи.
Со телефонот ќе биде достапен и пакет апликации „Silent Suite“ за безбедна и шифрирана комуникација, т.е. „Store“, продавница со апликации ориентирана на приватноста и сигурноста на корисникот.
По примерот на претходникот и новиот „Blackphone 2“ ќе има цена од 649 долари. Компанијата ја искористи оваа можност да најави уште еден уред, 7-инчен таблет со „Qualcomm“ процесор, „Blackphone+“, но покрај ова за овој уред компанијата ништо друго не претстави.
