На почеток на 85-тиот меѓународниот саем за автомобили во Женева, „Seat“ ја одржи презентацијата на концептната верзија на идниот сериски кросовер модел кој се појави во продажба во 2016-та.
Од шпанскиот производител велат дека при дизајнирање на концептот „20V20“ сакале во автомобилот да комбинираат спортски изглед и елеганција во „SUV“ возилата.
„Seat 20V20“ е долг 4,66 m, со меѓуосовинско растојание кое изнесува 2,79 m, додека растојанието на кросоверот од земја е 22,8 cm.
Kонцептот е поставен на 20-инчни алуминиумски тркала,а има препознатлив дизајн, со доста остри линии, која е карактеристична за новата генерација на возила на марката „Seat“.
Возилото е наменето пред се за превоз на 4 возрасни патници, но по потреба на задните седишта можат да се превезат и 3 лица.
Багажникот нуди 600 литри корисен простор.
Кога во 2016-та ќе се појави продукциската верзија, не треба да се очекуваат големи промени во дизајнот на надворешноста.
На купувачите секако ќе биде понуден автомобил кој ќе има тракала со помали димензии, додека ентериерот би требало да добие конвенционален изглед.
„Seat“ не објави детали за погонскиот систем, но се очекува на располагање да бидат познатите „TSI“ и „TDI“ бензински и дизел мотори на групацијата „VW“, како и верзија со преден, но и „4×4“ погон.
Серискиот модел ќе се произведува во фабриката на „Škodа“ во Чешка.