„Microsoft“ планира да ги затвори двете фабрики за производство на мобилни телефони во Кина, кои претходно и припаѓаа на „Nokia“, така што без работа ќе останат околу 9000 работници.
Фабриките се наоѓаат во Пекинг и Дунгуан.
Дел од опремата ќе биде преселан во Виетнам, јавија претходно кинеските медиуми повикувајќи се на информации од раководството на „Microsoft“ во Кина.
Според информациите, селидбата би требало да биде завршена до крајот на март.
„Microsoft“ договорот за преземање на мобилниот бизнис од „Nokia“ го реализираше во април минатата година.