По неколку месеци развој, инженерите на „YouTube“ веќе ја подготвија првата апликација за деца. Таа ќе се појави во „Google Play Store“ за „Android“ на 23-ти февруари, објави „USA Today“.
Апликацијата ќе се вика „YouTube Kids“. Таа ќе се разликува од стандардната верзија со елегантен и едноставен интерфејс. Ќе има само неколку големи икони за различните менија, а на почетната страница ќе бидат прикажани моментално популарните детски емисии и филмови. Ќе има и своевидно радио, кое ќе дава пристап до клипови со детски песни. Образовната содржина е посветена во самостојна секција.
Родителите ќе имаат посебна секција со повеќе подесувања со кои им се овозможува поголема контрола над апликацијата. На располагање е и функција која го исклучува по одреден период на време. За да се пушти повторно, ќе треба да се воведе лозинка.
„YouTube Kids“ е развиена од страна на инженерите на видео порталот, кои имаат деца. Апликацијата е тестирана и од специјализирани организации.
„На годишна основа, растот на поминатото време на „YouTube“ е 50%. Но кога ќе погледнеме само каналите кои нудат соодветна содржина за семејства и деца, растот е околу 200%“, коментира Шимрит бен-Јаир, продукт менаџер на проектот. Токму овој чекор е од интерес на „YouTube“ и причината компанијата да направи специјализирана апликација за деца.