28 март, 2024
ПочетнаКУЛТУРАСпомен-домот на Тоше Проески ja доби наградата за архитектура „Милан Злоковиќ“

Спомен-домот на Тоше Проески ja доби наградата за архитектура „Милан Злоковиќ“

spomen kuka tose

Идејното решение за Спомен-домот на Тоше Проески во Крушево ја доби архитектонската награда „Милан Злоковиќ“ за најдобро архитектонско дело во регионот.

Признанието за капиталната инвестиција на Владата и на Министерството за култура ќе биде доделено в петок во Белград, во рамките на годишната изложба на Асоцијацијата на српски архитекти, од меѓународно жири составено од претседателите на сите балкански асоцијации на архитекти.

Проектантското биро „Синдикат студио“, кое е автор на идејното решение на „Спомен-домот на Тоше Проески“, наградата ја дели со романските колеги кои се автори на проектот за „Станбен комплекс во Букурешт“, кој е номиниран и за Европската награда за архитектура „Mies van der Rohe”. Жирито доделило и признанија за квалитетно архитектонско дело на авторите од Хрватска, Црна Гора и од Србија.

„Спомен-домот посветен на македонската музичка икона Тоше Проески, изграден на Гумење во Крушево, е една од повеќето капитални инвестиции што ги реализираше Владата на Република Македонија и Министерството за култура во изминатиот период. Овој објект, со кој на достоинствен начин е одбележан споменот за оваа наша музичка легенда, досега го имаат посетено повеќе од 200.000 посетители“, соопштуваат од Министерството за култура.

Во 2011-та година Спомен-домот ја освои и престижната награда „Peoples choice aword“ за најдобро архитектонско дело на Меѓународниот фестивал за архитектура во Барселона во конкуренција на 704 објекти од целиот свет.

НАЈНОВИ ВЕСТИ

ХОРОСКОП