Француската компанија „Peugeot“ ја откри обновената верзија на хечбекот „208“, чија светска премиера ќе се одржи на авто-саемот во Женева. Ова возило кое е најдобро продаваниот модел на „Peugeot“, доби модернизиран изглед, нови спортски верзии, повеќе модерна опрема и нови мотори.
Што се однесува до дизајнот, тој доминира со изострени форми, а се гледа поширока решетка на ладилникот, нови фарови со „LED“ дел, „3D LED“ задни светла, бандажи со различен дизајн, дополнителни хромирани елементи и друго.
Ентериерот на возилото е модернизиран со помош на нови материјали од повисок квалитет, хромирани елементи на вратите, нов лост за префрлување на брзините и целосно „LED“ осветлување. Повисоките нивоа на опрема располагаат со спектакуларен „LED“ прстени околу аналогните мерни инструменти. Меѓу технологијата во кабината е и новиот инфо-систем со 7-инчен екран на допир и „MirrorScreen“ која прави можен трансфер на екранот на смартфонот на екранот во возилото.
Подобрени се и можностите за персонализација, меѓу кои присуствува и спортскиот пакет „GT Line“, искористен е голем дел од опремата на „GTi“.
Новина во палетата е моделот „GTi by PEUGEOT Sport“ (аналогно со „GTi 30th Anniversary“). Тој нуди сеопфатен пакет на опрема, вклучувајќи помала суспензија, 18-инчни тркала, мат црни екстериерни детали, спортски седишта, двобоен екстериер, „Brembo“ предни сопирачки, „Torsen“ диференцијал со ограничено лизгање и специфични подесувања на суспензијата и управувачкиот столб, „Michelin Pilot Super Sport“ гуми и друго.
Меѓу системите за безбедност на автомобилот присуствуваат „Park Assist“ (активен систем, овозможувајќи паркирањето на возилото, како и автоматски излез од паркинг), „Active City Brake“ (автоматски прекин во населени места, кога ќе се појави ризик од судир), камера за возење наназад и друго.
Палетата на мотори вклучува само агрегати со Евро6 стандардот. Дизелите се од серијата „BlueHDi“ и се нудат со 75, 100 или 120 КС, а во атмосферата испуштаат под 95 g/km штетни „CO2“ емисии.
Кај бензинските присуствуваат 3-цилиндрични „PureTech“ агрегати кои нудат 68, 82 или 110 КС, како и најмоќните 1.6-литарски мотори со 165 и 208 КС, последниот употребен во верзијата „GTi“.
Достапен е и новиот 6-брзински автоматски менувач „EAT6“.