Прв фотографии од обновената верзија на моделот „Sharan“ ги откри германската компанија „Volkswagen“. Ова возило ќе се појави пред публика во почетокот на следниот месец, а неговата продажба ќе стартува во јули.
Германската компанија го подложи моделот на сосема мали промени, што влијае претежно на првите светла. Сега тие имаат „LED“ секција. Позади промените се слични, а во палетата се појавиле нови бандажи „Jakarat“, како и две нови бои за екстериерот – „Hudson Bay Blue Metallic“ и „Crimson Red Metallic“.
Главната новина во кабината се последните инфо-забавни системи на „Volkswagen“, кои ги поддржуваат „Apple CarPlay“ и „Android Auto“. Клиентите ќе можат да избираат меѓу двата такви системи – со 5.0-инчен или со 6.5-инчен дисплеј, а последната може да биде заменета со навигација.
Најголемите промени кај обновениот „Sharan“ се под хаубата. Во палетата на мотори влегуваат два бензински и три дизел мотори, сите ги покриваат нормите на Евро 6.
Бензинските се 1.4-литарски TSI со 150 КС и 2.0-литарски TSI со 220 КС. Дизелите генерираат 115, 150 или 184 КС, а овој со 150 КС може да биде опремен со системот „4MOTION“.
Новости има и меѓу системите за безбедност. Реновираниот „Sharan“ може да биде опремен со адаптивен автопилот, автоматска рачна сопирачка, систем за следење на „мртвите“ зони, систем кој минимализира штетата при евентуален судир и друго.
Новиот „Volkswagen Sharan“ ќе се појави најнапред во Германија – во април. На останатите европски пазари моделот ќе биде достапен од месец јули.
