Традиционалната манифестација Снежен град годинава ќе се одржи на терените на Попова Шапка во хотелот „Славија –ЕЛЕМ“ од средa до недела, односно од 18-ти до 22-ри февруари, додека пропратната манифестација Снежен карван ќе се одвива во периодот од 22-ри до 28-ми февраури.
Снежниот град и годинава ќе го градат деца, ученици од основните училишта од Скопје, како и од други градови во земјата.
Сите тие се екипирани по десетина деца со свој ментор и ќе го изградат својот град кој во неделата на 22-ри февруари со свечено отворање во 11,00 часот ќе го предадат на посетителите со што започнува вториот дел на манифестацијата – Снежниот карван.
Во рамките на манифестацијата се одржуваат и други активности од креативно-рекреативен карактер, како избор на Снежна убавица, спортски игри и натпревари во пинг понг ,билијард, рачен фудбал и пикадо, Снежен крос, Најслатка бонбона, Снежно бинго, Бал под маски и, се разбира забава, во дискотека за учесниците на Снежниот град.