Први слики и информации за новиот „Avensis“ откри јапонската компанија „Toyota“. Седанот и караванот поминале низ ригорозна модернизација, а пред публиката ќе се појават на автосаемот во Женева.
Од фотографиите се гледа дека надворешноста на „Avensis“ добила најновиот дизајнерски јазик на брендот, демонстрирајќи нови предни и задни делови. За внатрешноста исто така се очекуваат видливи промени, но во моментот таа останува мистерија.
Со обновената трета генерација на седанот и караванот ќе се нуди и нова палета на мотори. Оваа информација е ограничена, а се споменува дека агрегатите се динамични, ефикасни и еколошки.
Оптимизации со цел за поголем комфор и повисока безбедност се правени во подвозје, а задниот дел на возилото е полесно.
Дизајнот на моделот е дело на студиото на „Toyota“ во Франција, додека технолошките промени биле доверени на истражувачкиот центар во Белгија.
Третата генерација на „Avensis“ се појави во 2009-та година, повторно на саемот во Женева. Три години подоцна караванот и седанот добија модернизација. Сегашните модели ќе бидат на пазарот барем до 2018-та година, но во моментов не е познато дали ќе добијат наследник.
Премиерата на новиот „Avensis“ ќе со одржи на 3-ти март во Женева, кога ќе бидат соопштени сите детали. Производство, кое ќе се одвива во Велика Британија, треба да започне пред почетокот на летото.
