Апликацијата за навигација „Here“ на „Nokia“ излезе од „бета“ верзијата и веќе може слободно за превземе за сите уреди со „Android 4.1“ или понов. Компанијата смета дека ги има отстрането сите грешки и ја пушти целосната верзија на „Here“.
Во неа има и некои иновации. Подобрени се интерактивните 3D мапи за трговски центри и големи аеродроми во 70 држави. Воведени се подобрувања и во говорните инструкции, па апликацијата може да дава и информации за причината за застојот во сообраќајот (овие податоци се достапни само во одредени земји, во кои „Here“ има пристап до нив).
Функцијата за симнување на мапи за пристап без интернет конекција, исто така има познати промени. Една од нив е дека мапите веќе можат да се повлечат во позадина, што му овозможува на корисникот да продолжи да ја користи апликацијата во тоа време.
Додадена се и повеќе информации за познати објекти, институции и продавници во близина на локацијата на корисникот. „Nokia“ забележува дека „бета“ верзијата на „Here“ е превземена од над 3 милиони луѓе. Компанијата има поголеми очекувања од целосната верзија на апликацијата и сака да ја претвори во еден од главните конкуренти на „Google Maps“.
