Македонија се најде на 117-то место од вкупно 180 земји според слободата на медиумите, покажува Годишниот извештај на „Репортери без граници“ за 2015-та.
Нашата земја минатата година беше на 123-тото место, што е напредок за шест места според најновиот индекс на слободата на медиумите.
„Репортери без граници“ во Извештајот констатираат дека ситуацијата со медиумите во Македонија минатата година била лоша, одбележана со злоупотреба на законодавството за клевета, како и со политички мотивирана распределба на државните реклами.
Се споменува и затворската казна на новинарот Томислав Кежаровски, како и полициската принуда до новинарите да се избришат фотографии и видеа од протестот што го следеле.
