Главниот дизајнер на компанијата „АвтоВАЗ“, Стив Матин индиректно ја обвини јапонската „Mitsubishi“ за тоа дека им го копира дизајнот на моделите на рускиот производител. Во интервју за „Gazeta.ru“, Британецот забележа сомнителни сличност меѓу прототипи „Lada XRay“ и последните концепти на Јапонците.
Според него најновите концептуални модели на „Mitsubishi“ – „AR„, „XR-PHEV“, „GC-PHEV“ и „Outlander PHEV Concept-S“, имаат сличен распоред на предниот дел со идниот кросоверот на „Lada“. Матин потсетува дека „XRay“ е прикажан уште во 2012-та година, додека првите модели на Јапонците, презентирајќи го новиот дизајн на марката, излегуваат дури во 2013-та година.
Се очекува првиот сериски автомобил на „Mitsubishi“ со новиот дизајн да биде кросоверот „Outlander“, кој ќе биде претставен на саемот во Њујорк во април. Во исто време „АвтоВАЗ“ ги подготвува сериските верзии на кросоверот „XRay“ и седанот „Vesta“ кои треба да бидат на пазарот уште оваа година.
„Не кријам дека сум многу вознемирен, бидејќи ние никогаш не сме имале идеи за тоа што прави „Mitsubishi“ и сум убеден дека ние бевме први. Јапонците само не прекопираа и не знам што може да се направи во врска со случајот. Јавно треба и изгледот на возилата да се патентира“, објасни Матин.
Топ дизајнерот беше принуден да поднесе и уште еден удар, откако се покажа дека неговата десна рака – Томас Биквуд, кој раководи со дизајнерско студио на „АвтоВАЗ“ во Москва, ја напушта компанијата. Тој започна со работа во еден од дизајнерските центри на „Mitsubishi“.
